Pedaqoq Dr.Ülkər Həsənova estetik tibb və kosmetologiya sahəsində uzun illərin təcrübəsinə malik həkim-kosmetoloq, beynəlxalq təlimçi və Academy Aesthetic by UH-nin təsisçisi və layihə rəhbəridir.

1986-cı il 21 avqust tarixində Bakı şəhərində anadan olmuşdur. 2006-cı ildə Azərbaycan Dövlət Pedaqoji Universitetini bitirmiş, daha sonra tibb və estetik kosmetologiya sahəsində ixtisaslaşaraq peşəkar fəaliyyətini bu istiqamətdə davam etdirmişdir.

O, 2022-ci ildə Moskva şəhərində yerləşən N. İ. Piroqov adına Tibb Universitetinin müvafiq proqramını uğurla başa vurmuş, tibbi estetika və inyeksion kosmetologiya sahəsində beynəlxalq səviyyəli təlimlərdə iştirak etmişdir.

Dr. Ülkər Həsənova Azərbaycanla yanaşı Türkiyə, Rusiya, BƏƏ, İtaliya və digər ölkələrdə keçirilən peşəkar təlim və master-klasslarda iştirak edərək bilik və bacarıqlarını daim inkişaf etdirmişdir.

Hazırda rəhbərlik etdiyi Academy Aesthetic by UH-də müasir estetik prosedurlar həyata keçirməklə yanaşı, kosmetologiya sahəsində peşəkar kadrların hazırlanmasına da xüsusi önəm verir. Akademiyada keçirilən təlimlər nəzəri biliklərlə yanaşı, geniş praktik məşğələləri də əhatə edir.